Ортчиз Udmurt Antiparty “Кебит Возьмась Awards”

19 толшоре «Пепелац» клубын ортчиз Udmurt Antiparty “Кебит Возьмась Awards”. Позыръяськонлэн вал туж тунсыко программаеӟ Порозмафи но Александр Бикузин куальтресгес пичильтык-шоуын “Пошолтоннахербикузин!”, кудаз наградить каризы Антидунъет куарасётонын тужгес но трос асьсэлэн номинациязы куара люкамъёсты. Жаляса верано, тросэз «вормисьёс» ӧз лыктэ басьтыны кузьымзэс.
Эшшо программаын вал удмурт интернетысь удмурт скандальной Чичпотон.ру блогъя тужгес но скандальноесь крезьгур проектъёс удмурт скандальной Чичпотон.ру блогъя: Уллапалла Бой, Лаврентий, диджей Пельмэн. Шулдыртӥзы ик соос калыкез! Но кыӵе удмурт пати Электроникъёстэк но Эркишевтэк, нош таяз позыръяськонын Шаркан хитъёсын шумпоттӥз на dj Джи Ай Эм Порозмафиысь.

Антиданъян премияез «вормисьёс», котькуд номинациысь куинез тужгес но трос куара люкамъёс:

Номинация «Э-ке-кек…»( Разочарование Года)
1 Трокай Борисовлы Ижкарын синпелет ӧвӧл.
2 «Удмурт урам» сериал
3 удмурт филологиысь дышетӥсьёс, кудъёсыз студентъёсты ЛОХЪЁСын нималлязы.

«Возьытлык, или Позор Нации!»
1 Н. Мусалимов
2 Silent Woo Goore группаысь бас-гитарист Галиханов, кудӥз концертъёс дыръя сцена вылысен «СИТЬ» кылэз кеськылӥз.
3 Удмурт Кенешлэн исполкомез , кудӥз номыр уг кары удмурт кылэз утён понна

«Куашетон»: Скандал Года
1 Удмуртъёс Энвиль Касимовлы пумит «почётной удмурт» акциез йырин.
2 А.Катковлэн интернетын нецензурной кылъёсын гожъяськемез
3 Чичпотон.ру, но Е.Ильина.

Нош мар верало ортчем пати сярысь егитъёс:

 

Гриша Григорьев:
Мон трос уг вера. Со нуналэ мон туж жадемын вал но малпасько вал жадемме удмурт патиын вунэтыны, но, жаляса верано, озьы ӧз луы. Оло эшшо но золгес жади кадь. Таиз позыръяськон малы ке туж ӧз кельшы. Изем потэмен-а, яке шулдыртэм-а ӧз яра… Но пумаз мон изисько ни вал…
РS: мон сазь вал).

Луша Шихова:
Таиз удмурт пати мыным туж кельшиз. Нырысь ик Бикузин но Нуриахметов котькыӵе ужрадэз шулдыртыны быгато. Соос нош ик быгатыса серекъятӥзы! Зол! Пати кутскыку, шудиз Пороз Мафиозийёслэн диджейзы. Солэн крезьгуръёсыз - али мон понна выль омыр. Богдан Анфиногенов – ӟечок! Со кырӟаку, позыръяськисьтэмъёсыз ӧй вал кадь. Малпасько, Богданлы концерт пӧрано ни. Калык 100% люкаськыны кулэ! Но тани “Антиданъян” премия мыным сокем ик тунсыко оз йӧты, озьы ик Электроникъёслэн трекъёссы акыльтизыгес ни - ялан одӥгъёсыз, нош вылез оло вань ке но, уг шӧдӥськы. Мӧзмыт,эктыны пыдъёс сокем уг кыско ни. Озьы ке но, удмурт пати кельшиз!

Богдан Анфиногенов:
Позыръяськон туж умой ортчиз. Тросэз эшъёсы синйылтӥзы, таяз патиын трос чебер нылъёс вал шуыса. Антиданъян премия сётон котьку кадь ик серектонэ берыктӥськиз. Шумпоттӥз кырӟан программа, тужгес ик рэп лыдӟись Лаврентий.



Маша Борисова:
Мыным уллапала кырӟась яраз. а соиз клетка кофтаен пияш оломар кырӟаз, номырзэ ӧй вала. собере клоун яраз. а фотографъёс оз яралэ, соос асьсэлэсь тодмооссэс гинэ фоткатьтыса ветло. оломар кадь луи.
диджейёс бен яразы, конечно. кызьы ай со, электроникъёс зэмзэ но ӟечокъёс.
Калык серемме поттиз. Гуртысь пугалоос кадь кудъёсыз дисяськемын, нокыӵе вкуссы ӧвӧл, гуртысь шуыса адӟиське.
гуртъёсын улисьёс ук бордазы тач-тач лякиськись дэремъёс дисяло, нош кӧйзы вань висъёстиз кыре потэ.


Маша Корепанова:
Уг луы шумпотытэк трос адями люкаськемлы) Ди-джей пельмЭн – крутой! УллапалаБой калыкез ӝуатӥз. Ӟечок! Ваньмыз “пипипипипипӥ соин кырӟазы! Премия сётон серемес вал, уката но соослы, кин « в теме». Мон малпамъя туж кулэ антиданъян премиос сётылыны. Ваньмы ми янгышаськом, нош таӵе «премиос» валлин, со янгышъёслы саклык висъяське. Оскисько, соос тупатэмын луозы шуыса.

Мария Золотарёва